Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । वाणिज्य बैंकहरूले जेठ महिनाका लागि पनि ब्याजदर सामान्य घटाएका छन् । सार्वजनिक गरिएको तथ्याङ्क अनुसार वैशाख महिनाको तुलनामा जेठ महिनामा बैंकहरूको औसत ब्याजदरमा सामान्य गिरावट देखिएको छ ।
वाणिज्य बैंकहरूको व्यक्तिगत निक्षेपतर्फको औसत ब्याजदर वैशाखमा ४.४ प्रतिशत रहेकोमा जेठ महिनाका लागि घटेर ४.३४३ प्रतिशत कायम भएको छ । त्यसैगरी, संस्थागत निक्षेपतर्फको औसत ब्याजदर पनि ३.२२९५ प्रतिशतबाट घटेर ३.२०४ प्रतिशतमा पुगेको छ ।
तथ्याङ्क अनुसार अधिकांश बैंकहरूले ब्याजदर स्थिर राखेका छन् भने केहीले घटाएका छन् । एनएमबि बैंक, एनआईसी एशिया बैंक, हिमालयन बैंक, नेपाल बैंक, स्ट्याण्डर्ड चार्टर्ड बैंक र कुमारी बैंकले व्यक्तिगत ब्याजदरमा कटौती गरेका छन् ।
सबैभन्दा धेरै ब्याजदर घटाउनेमा एनआईसी एशिया, हिमालयन र नेपाल बैंक रहेका छन्, जसले व्यक्तिगततर्फ ०.२५ प्रतिशत विन्दुले ब्याजदर घटाएका छन् । यता सिद्धार्थ बैंकले भने व्यक्तिगत निक्षेपको ब्याजदरमा ०.०५ प्रतिशतले सामान्य वृद्धि गरेको छ ।
संस्थागततर्फ सिटिजन्स बैंक इन्टरनेशनलले आफ्नो ब्याजदरमा ०.५ प्रतिशत विन्दुको वृद्धि गरेको छ भने कुमारी बैंक र स्ट्याण्डर्ड चार्टर्ड बैंकले संस्थागत ब्याजदरमा उल्लेख्य कटौती गरेका छन् ।
जेठ महिनाका लागि एनएमबि बैंकको व्यक्तिगत ब्याजदर ४.८ प्रतिशत र राष्ट्रिय वाणिज्य बैंकको ४.७५ प्रतिशत कायम भएको छ, जुन अन्य बैंकहरूको तुलनामा उच्च देखिएको छ । सबैभन्दा कम ब्याजदर कुमारी बैंकको ३.९६ प्रतिशत रहेको छ ।
नबिल बैंक, प्रभु बैंक, नेपाल इन्भेष्टमेन्ट मेगा बैंक, सानिमा बैंक, लक्ष्मी सनराइज बैंक, ग्लोबल आइएमई बैंक, माछापुच्छ्रे बैंक, नेपाल एसबीआई बैंक, कृषि विकास बैंक, प्राइम कमर्सियल बैंक र एभरेष्ट बैंकले भने वैशाख महिनाकै ब्याजदरलाई जेठमा पनि निरन्तरता दिएका छन् ।
